السلام عليكم ورحمة الله وبركاتة

مرحباً أحبتي .. كل عام وأنتم بخير وصحة وسلامة .. طال غيابي هذه المره فـ أعتذر منكم شديد الإعتذار .. أشكر كل من تواصل معي أو سأل عني .. وأيضاً أعزي كل من حامت كبده مني وأقول له : تراني باك  ..  إلا مير ما لاحظتوا أن كل مواضيعي تبدأ بكل عام وأنتم بخير ؟! .. يالله لك الحمد والشكر بس .. صدق ناس ما تعرف تكتب مواضيع

منذ فترةٍ بسيطة أصيبت قدمي إصابة بالغة , لا أعرف متى وكيف أصبت بها .. كل اللي أتذكره أنها فجأة صارت تعورني  .. طالت مدت الإصابة وزاد الآلم .. فحذت أمي – أطال الله في عمرها وشفاها – حذو جميع الأمهات وأتبعت المثل القائل ( القرد في عين أمه غزال )  بعد أن رأت الوضع بات لا يطاق , فـ جلبت لي " جيك " مليء بماء زمزم وقالت : أقرأ على نفسك يا وليدي يمكن فيك نفس وإلا عين وإلا شيء .. حملت الجيك بيدي وبدأت أطشر على ملابسي وقلت بإبتسامة خبيثة بعد أن ركخت ملابسي بالماء : تصدقين يا يمه حتى أنا حاس بعد , واللي مخليني أشك أكثر أن شغالتكم للحين ما أنحاشت زي جيراننا وماغير بس تدور عند غرفتي .. قطع مصالتي مرور والدي والذي سخر مني بدوره : صادقة أمك .. ترى ما ينظل إلا الشين والفقير !! .

السلام عليكم ورحمة الله وبركاته 

أخوتي واحبتي في الله .. مما لا شك فيه أننا شهدنا أزمات عديدة منذو بداية هذا العام , ومما لا شك فيه أيضاً أن هذه الأزمات أعتبرت ممتعه لبعضهم فصاروا يتابعونها ليلاً ونهار من باب انها مسليه ومن باب انهم قاتلهم الفراغ وما عندهم شيء غيره يناظرونه <<– يناظر أبوه وأمه بطرف عينه , ولكن وللأسف هناك من أنحنى منحناً أخرى مستغلاً هذه الأزمات .. فلقد نهض من كان الغبار يكسوه وتحول الاطرم إلى شخصاً لسانه يطول اذانه وبدأ نشر السموم من باب : طلعوا المحتجزين

  .

السلام عليكم ورحمة الله وبركاته

– هلا , وينك فيه ؟

– يا جماعة تراني متأخر على الدوام , بالله ما أحد منكم شاف نعالي ؟

– هلا بك , أنت قل لي وينك فيه أول ؟!

– هيه أنتم , نعالي عندكم ؟!

– بقول لك ويني فيه بس ترى بتقول لي أنت بعد !

– خلاص خلاص أبشركم لقيت نعالي .. إلا ما تدرون وين مفتاحي ؟

^

^

ثلاثة جالسين يسولفون في البلاك بيري

على الطاري مير , قبل فترة اختبرت الطلاب وأخذ طالب ( من الشوام ) درجة تسعة من عشرة وجلس يصيح عندي : يا أستاذ بدي الدرجة هي !! .. فـ سويت اجتماعات مغلقة مع الأهل والأصدقاء المقربين وتوصلت إلى حل ومن بكرة رحت له للمدرسة وقلت له : بعطيك عشرة بس جب لي من أهلك طريقة الكبة الشامية ! <<– أمحق مدرس وأمحق اجتماعات

  .

السلام عليكم ورحمة الله وبركاته

يا جماعة خشمي كابر وإلا يتهيء لي ؟! <<– جالس يناظر نفسه في المرايه

هامش علوي 

يمديكم على الجحده ؟ شكلكم شكيتوا إني نسيت الباسورد حق الموقع والا تبرعت به للجمعية الخيرية على ذا الغيبة .. يحق لكم صراحة ولكن قبل ما تنهالون علي بالضرب والتهزيء خلوني أقول لكم عذري المقنع ( على الأقل مقنع بالنسبة لي ) أحب أبشركم إني وأخيراً قررت أطلق الجامعة بالثلاث وأتخرج , بعد مضي مايقرب الخمس سنوات والنصف من الخبرة المتواصلة وللأمانة نص السنة ذا زاد بسبب نظامهم الغبي أنا مالي دخل .. حالياً أمر بفترة تطبيق كـ مدرس مرحلة متوسطة , في مدرسة بنين طبعاً ( لا يا شيخ )  وإن شاء الله على نهاية الترم بتخرج , دعواتكم تكفون

.

السلام عليكم ورحمة الله وبركاته

عيدكم مبارك وعساكم من عواده .. وكل عام وأنتم بخير وصحة وسلامة يا رب .. موضوع بسيط حبيت أشارككم فيه بالعيد عشان فرحة العيد تغطي على العيوب اللي فيه .. وأولها الأخطاء الإملائية .. كاتبه بسرعة وبدون تدقيق يذكر ,  لذا العذر منكم على القصور ويارب أفراحكم تدوم دوم .. ويارب التهزيء يقل .. ويارب يروحون ذا الرجال اللي عندنا انكسرت يدي وأنا أصب لهم .. عن أذنكم أروح أكمل وظيفتي المؤقتة كـ قهوجي

*  *  *

امممم أنا " حُكم " يالله ألعب  .. وأنا " صنّ " يالله ألعب  .. أحم أحم , وأنا الحين جاء دوري صح ؟! .. ذاك كان سؤالي البريء الذي سألته لأصدقائي حينما كنت ألعب معهم لعبة البلوت قبل أن ينهالوا علي بالضرب ويطردوني من اللعبة ومن الغرفة ايضاً وقبل أن يضعوا " مركى " كي تكمل اللعب بدلاً مني .. نعم يا أخوتي لقد أهنت وطردت من بيت زميلي بسبب لعبةٍ تافهة .. والمشكلة أنهم ما علومني أنه جاء دوري .. وش دخلني يا ناس , والله ما دريت <<– واحد يمد له منديل بالله

  .

السلام عليكم ورحمة الله وبركاته

استيقظت مفجوعاً من نومي ففزعت لرؤيتي ممدداً على سريراً ما , والأسلاك والأجهزة تحاصرني من كل جهه .. نظرت حولي فوجدت والدي واقف بقربي وقد أمسك بعصاه التي يتكئ عليها .. استنتجت بأنني في المستشفى ولكن لما أنا هنا ؟؟ .. خاطبت والدي مستفهماً : وش السالفة يا يبه ؟؟ .. وش جابني هنا ؟؟ .. أصبر أصبر لا تقول لي .. أكيد طفرتوا وبعتوا أعضاء من جسمي .. قطع حديثي ضرب والدي لرأسي بعصاه وما هي إلا لحظات فإذا به يقول بنبرة غضب : الحين أنا كم مره قايل لك أن الكلوركس مهوب لبن وما ينحط مع الرز .. هاه ؟؟ .. قل لي كم مره قلت لك ؟؟

وضعت يدي على رأسي من شدة الألم وسألت بفهاوة : ليه يا يبه وش صاير ؟؟ .. أخذ أخي الكبير العصى من والدي وضربني بها هو أيضاً ثم قال : وأنا يا دلخ كم مرة قايل لك إذا شربت كلوركس بالغلط لا تشرب عقبه علبة ديتول تراه ما يعقم جسمك !! .. فقدت الوعي للحظات ثم استيقظت على نداء أخي الأوسط لي : مستر أي , مستر أي , قم يالله .. فتحت عيني بصعوبة ونظرت إليه فإذا به يأخذ العصى من أخي الأخر ويضربني بها .. نظرت إليه وعيناي تكاد تدمع من شدة الألم وقلت وأنا مصدوم من فعلته : ليش ؟! .. جاوبني وهو يعطي والدي العصى فقال : أبد بس حبيت أقول لك أنتبه للكلام اللي قالوه لك تو !!

.

السلام عليكم ورحمة الله وبركاته

تذكرون موضوع كشك تحت المجهر ؟ .. حلو طيب تراه مرتبط بها الموضوع يعني اللي ما قراه يقراه الله لا يهينكم  

" كشك تحت المجهر "
 

*   *   *

" سيب المسطرة في حالها يا أبني وطلّع صباعك من مناخيرك وأنتبه معايّه " صرخ مدرسنا ( زينهم ) بتلك الجملة قاطعاً بها انهماكه في الشرح , ما أن انتهى من كلامه وعاد ليكتب على السبورة إلا و ورقة ٌ صغيرة تستقر على طاولتي .. فتحتها فوجدت قد كتب بها : هاه يا مستر بدا الموضوع وإلا ما بعد ؟ ..  التفت  إلى زميلي ( طحنون ) فإذا به يعدل تشخيصت شماغه .. هززت برأسي له كناية عن الموافقة ومن ثم أمسكت بأحد الكتب وسرحت بمخيلتي بعيداً

.

السلام عليكم ورحمة الله وبركاته

مرحبًا أحبتي .. اسمحوا لي أن أقدم لكم هذا الموضوع المتواضع على طبق من ذهب .. خذوا الموضوع ورجعوا الطبق تراني متسلفه  <<—  ولا يزال الحواق في المقدمات مستمرًا

كنت قد ذكرت سابقاً أن كاتبة سعودية قد راسلتني بشأن الاشتراك معها في كاتبة سيناريو ساخر لمسلسل رسوم متحركة .. طبعاً مجرد طلبها مني شرف كبير وشهادة أعتز بها ويمكن أختمها من أقرب جامعة وأروح أقدم بها على وظيفة من الفرحة .. بعد مراسلة الشركة المنتجة طلبوا منا أن نرسل لهم حوالي ( الخمس حلقات ) كي يقيمُ المسلسل على غرارها .. وبالفعل كتبت أنا حوالي الثلاث حلقات واما هذيك السعودية اللي قلت لكم عنها قبل شوي كتبت حلقتين ( وش جاني حقرتها  ) .. بعد إرسال الحلقات حدث مالم يكن بالحسبان .. فلقد غيرت الشركة جميع أرقامها وما عاد صاروا يردون وحتى العمارة اللي هم فيها صارت مؤجرة بعد

امزح امزح .. في الحقيقة بعد إرسال الحلقات لم يصلنا أي رد , مدري الدعوة حقران لي أو داخل فيها واسطة أو شكلي كاتب رقمي لهم غلط وانا مدري .. عموماً أن كان منكم يعرف  عنهم شيء فياليت يعلمنا .. ولو فيه واحد يتابع التلفزيون برضو ياليت ينتبه لا يمثلون حلقاتي وأنا ما ادري

.

السلام عليكم ورحمة الله وبركاته

تنويه أول

بدايةً أود أن أنبه بوجود جزء سابق لهذا الموضوع .. فهذا هو رابط الجزء الأول لمن فاته نصف عمره <<— يسمع بالتشويق

الـجـزء الاول

تنويه ثاني

بطل هذه القصة هو ( برّاية ) بناء على رغبه الجمهور .. وأنا في هذا الجزء مجرد راوٍ فقط .. يعني تقدرون تعتبروني جالس في البلكونة أطل عليهم واقص عليكم وش يصير

الـبـدايـة

تشششششش

بعدما ألقيّ القبض علي أنا ودباسة بعدة ساعات انتهى برّاية أخيرًا من إصلاح البرج .. خرج من الغرفة وبات يبحث عنا في أرجاء المول فلم يجد إلا جهاز التصنت وقد وضعت بجانبه ورقة صغيرة كتبت فيها :

  .

السلام عليكم ورحمة الله وبركاته

طاااااااااااااااااااط .. طاااااااااااط .. عووووووووو طشششش

لا حول ولا قوة إلا بالله .. صراحة ًمدري متى بيدفنون ذا الحفرة اللي في وسط الشارع .. الحين صار لنا ثلاث ساعات بس وحنا هنا وطاح فيها سيارتين يمكن .. ياخي إذا ما يبون يدفنونها على الأقل يفتحون جمبها وكالة سيارات أو يفتحون فرع صغير للصناعية ويخلون الناس تصلح على طول .. أو أقلها يعني يحطون رقم راعي سطحه جواء في الحفرة عشان كل ما طاح واحد يتصل عليهم .. و طبعاً إذا بيحطون الرقم ياليت يحطون كبينة هاتف عمومي تحت لان الحفرة ما راح يكون فيها أبراج .. قاطعت كلامه وخاطبته ببسمةٍ متصنعه على وجهي : أنا اقول تمسك بالخيار الأول وطالب بأنهم يدفنون الحفرة

اوه صح .. يا لرداءة أخلاقي لقد نسيت أن أعرفكم بنفسي .. أسمي ( مستر أي ) في العقد الثاني من عمري , أحمل شهادة البكالوريوس , طموح وجميل و وسيم .. ذو رأس مثلث ولا أعتقد بأن هذه المعلومة بجديدة عليكم

.