السلام عليكم ورحمة الله وبركاته

 

قبل بضعت أيام أنقطع عندي النت في البيت وما كان عندي إي شيء اسويه .. رحت لأهلي وقلت لهم وش رايكم نطلع وأوديكم للسوق ولا أسوي لكم حلى ؟ .. ردو علي كلهم وقالوا لي : لا لا ودنا للسوق ما نبي حلا أبد  !

أبتسمت وقلت لهم : زين اجل على بركة الله بسوي لكم حلى
<<– يا صبرهم عليك بس

 

دخلت للمطبخ ولقيت دفتر أسيام أبو 60 ورقة مليان طبخات .. جلست اتصفحه وكل ما لقيت حلى اسمه يعجبني القاه صفحتين ولا ثلاث .. بحثت وبحثت إلين طحت في هذا الحلى العجيب .. كانت المقادير وكل شيء مكتوبه في نصف صفحه بس .. قربت الدفتر من عيني عشان أتاكد من اللي انا اشوفه .. ولقيت مكتوب تحت ( يضاف عليه 15% خدمه )
<<– صار منيو ما صار دفتر طبخات ذا

 

المهم سويت الحلى .. انا يا ( مستر اي ) و الملقب في البيت وبين أخواني بـ ( أخوي )
<<– يحسب كلمة أخوي اسم ثاني له  

 

 

المقادير

كاس حليب

 

 

علبة قشطة

 
2 بسكوت شاهي ( أولكر )

 

  

5 حبات مارس <<– ياليت تتأكدون من التاريخ قبل لا تحطونه

 

 
ربطة كيسان ورق صغيرة

 

 
هذي المقادير للبنات بس .. أما العيال عليهم أنهم يزيدون أربع حبات بواجي زيادة

 
: : : : : : : : : : : :

 

الأن الطريقة

 

نطلع حبة وحده بس من بسكوت الشاهي وبعدين نطحنها ولا ندقه إلين تصير قطع صغيرة ومتفتته .. بعدين نحطها في الخلاط

 

   

بعدين نجيب علبة القشطة و كاس الحليب ونحطهن فوق البسكوت في الخلاط

 

 

 

 

 

** طبعاً لو تلاحظون بتلقوني نظيف ولابس قفازات  .. وهذا دليل على نظافتي منذو نعومة أظافري  <<– بتكمل ولا وشلون ؟

 
الحين عاد ناخذ الخمسة حبات مارس ونقطعها ونحطها في الخلاط قبل لا ياكلها اخوي الصغير .. طبعاً يمكن أستبدال المارس بجالكسي سادة أو شوكولاته ثانية .. انا حطيت مارس لان اللي عندنا باقي له شوي وينتهي تاريخه .. أنتم شوفوا وش اللي بينتهي تاريخه عندكم قريب وحطوه  <<– يقيس على نفسه ابو الشباب

 

نشغل الخلاط و نحوس الدعوه كلها سوى .. بعدين نرجع للحبة الثانية من بسكوت الشاهي ونطحنها ولا نفتتها .. ونحطها في صحن لحالها

 

 

نجيب صحن ثاني ونحط في قطرة صغيرة من الماء .. ونحط عليها شوي نسكفية ونصف فنجال سكر

 

 
ونحركهم الين يذوب السكر ولا بيطلع لك في الحلى قطع سكر ما ذابت

 

 

بعد ما نخلاط خلطة النسكافه والسكر نكبها على البسكوت اللي قبل شوي انفرم  

 

 

 

نحاول نخلطه ونحركة بأي شيء نظيف جمبنا وفي المطبخ .. أممم مثل يدي مثلاً

 

 

 
الحين وبعد ما خلطناه .. نجيب الكيسان ونعبي نصفها من البسكوت المفتت والمخلوط بالأشياء النظيفه

 

 

 
بعدين نرجع للخلاط وناخذ الخلطة اللي فيه ونعبي بها النصف الثاني من الكاس

 

  

 

وإذا عندكم موجود زي ذا .. اممممممم وش اسمه .. هيرشز أظن  <<– فيه بقعة زيت طايحه على اسمه في دفتر الطبخات عشان كذا ما بان

 

 

 

وفي الأخير نحط فوق الحلى جذع شجرة أو ورق نعناع مثل ما انا سويت

 

 

 
اكيد لاحظتوا الملعقة اللي على اليمين .. هذي تقدر تحطها بدال الشجر .. يعني عشان تاكل بها اسرع .. وبالمره ترتاح من أنك تجلس تسقي الشجرة كل يوم

 

نحطه في الثلاجه إلين يبرد وبعدين كلو ولا يردكم إلا لين تشوفون الكاس فاضي  

وبالهناء والشفاء
<<– ناقل هالجملة من الدفتر على فكره