طريقة سهلة للتحميل من اليوتيوب
أكتوبر 26th, 2008 بواسطة Mr. A
السلام عليكم ورحمة وبركاته
هل مللت من التفرج و السعبلة على مقطع في اليوتيوب YouTube 
؟
هل سئمت من اعطاء اصدقائك لك لروابط ما تقدر تحملها ؟
هل جربت ان تتصل بالخط الساخن 
؟ <<— طلع عن النص 
هل حاولت التحميل من الموقع وفشلت 
؟ .. هل جربت وضغطت جميع الايقوانات الموجوده في صفحه المقطع ولم تستطع التحميل ؟ .. هل سألت احد ربعك وصرفك لانه وبكل بساطه ما يعرف وما ودهـ يتفشل 
!
الان معنا الحل وبدون اي بقع على سطح المكتب 
<<— على ذا المقدمة يا مستر .. شكل الموضوع دعاية لصابون
اذا تبي تقهر اليوتيوب وتحمل منه مقاطع كثر التراب اذا تبي تعبي الجهاز حقك و تخليه يتاغر مقاطع حنا معنا الحل .. اول شيء ندخل على هذا الموقع :
صورة 9×6 للموقع
( إضغط على الصورة لرؤيتها بحجمها الطبيعي )
بعدين نروح لموقع اليوتيوب ونفتح على المقطع الي عاجبنا , و ننسخ الرابط الموجود في الاعلى ..
بعدين ننقز للموقع خوينا ما غيره .. ونختار من الخيارات الموجودة اسم الموقع المراد التحميل منه
( ملاحظة : تم تحديث موقعهم وصار ما يحتاج تختار اسم الموقع اللي أنت جايب منه الفيديو مثل ما تشوف في الصورة اللي تحت .. الأن بس أنت الصق الرابط اللي معك سواء من القووقل أو اليوتيوب أو غيره .. وهو أوتوماتيك يحوله لك )
نلصق الرابط وبعدين نضغط على انتر .. Enter
عيب الموقع انه يعطيك ملف غير معرف الصيغه ( مثل ما هو موجود في الصوره )
عشان نحل المشكلة .. نسوي للملف اعادة تسمية ونحط في اخر الاسم ( Avi. ) او ( Flv. ) ..
*****
وسلامتكم طبعا الموقع هذا ميزته عن غيره انه يعطيك الملف للتحميل على طول مهوب مثل غيره يسوي تحويل للمقطع ويرفعه على سيرفره ويحط لك في اخر المقطع اعلان له .. ومن المزيا للموقع انه يخليك تحمل من اكثر من موقع للعروض والمقاطع ( مثل اليوتيوب و القوقل فديو .. الخ )
ملاحظة ثانية : هالطريقة قديمة ويمكن الأستغناء عنها حالياً بالريل بلير الجديد ( إصدار 11 )
_____________________
مارضيت ان احد يستخدم هالطريقه في تحميل ما يغضب الله .. مثل الثلج تقدر تحطه في العصير ( هذا خير ) تقدر تحطه في الخمر ( هذا شر )
مع تحياتي لجنه القضاء على احتكار اليوتيوب 
مواضيع عشوائية :
