السلام عليكم ورحمة الله وبركاته

مركز هشام للتلميع الساطع للسيارات – في الرياض –

دائماً ما تتكبكب منا المشروبات في السيارات ونحن منهمكين في القيادة وما يزيد الطين بلة هو حين تسارع زوجتك بمسح المرتبة وتجد بأنها تسببت في زيادة البعقة !! وش تسوي بالله عليك ؟! بتسكت لها ؟! <<– إبليس .. ودائماً عندما تدخل في أحد الشوارع الضيقة وأنت على عجالة من أمرك ومسوي في أمها طارة وما تدري إلا وأنت حاك ومطير مرايات نصف سيارات الشارع .. الحمد الله أن بينك وبين النص الثاني رصيف والا كان خلف الله بعد .. عموماً مالكم بالطويلة <<– تربع

 

من أهم الأشياء اللي تكرهك في السيارة هو منظرها ولونها ومدى نظافتها وطبعاً هل هي مصدومة وإلا لا ؟ <<– وش بقيت ؟ .. الكثير يفكر يلمع سيارته بس متررد لأن الناس دايم تقول له : ترى بتخرب بويت سيارتك وبيخرب لونها .. أو يكون ما يعرف مركز يكون شغله مرتب ومجرب .. أو يكون مطفر وهذي مالها حل لذا ياليت يسكر الصفحة

 

 نستعرض اليوم وإياكم تجربة تلميع سيارة والتي قد عاصرتها بنفسي , فهلموا معي يا قوم

 

 

 

طبعاً وقت التصوير يختلف في الصورة لذا صاير فيه فرق حتى في اللون .. بس الحق حق طلعت الوجهيه كأنها وجهيت شبح <<– يا قدمك

 

 

 

أكيد البعض جالس يتسأل ويقول وش هالورق اللي معبي الطبلون في الصورة اللي على اليسار .. في الحقيقة هذي أوراق مدري وشهي بالإضافة قاموس الظاهر أنه حق أنجليزي .. لحظة أقرا وش مكتوب عليه <<– جالس يقلبه   .. عموماً الباقي كم كتاب وبطاقة عرس لي فترة محتفظ فيها لأنها أول بطاقة تجيني بالاسم .. تصدقون شكله راح وقته وأنا ما حضرت !! .. ذكروني أشوف البطاقة إذا خلصت من الموضوع

 

لكن وبغض النظر عن مكتبة جرير التي بالداخل .. السيارة صايرة خطيرة وكأنها شبح موقف على جمب .. وإلا ؟ <<– اسكت لا نوطاك بهالشبح اللي صجيتنا فيه

 

وش فيكم مستغربين كذا ؟! .. أول مرة تشوفون مكينة خياطة ؟!

 

واااو وش هالباب اللي يلمع .. يخقق يخقق .. شلون خليته كذا .. عادي يا عزيزي ببساطة توجه إلى مركز هشام لتلميع السيارت

^

مريض لاتشرهون .. عموماً مثل ما أنتم شايفين الباب رجع جديد .. قبل كان أسود وخصوصاً مكان حزام الأمان .. مهوب من كثر ما أربطه .. لا بس عيال أختي يحبون بعد ما يصلحون كفرات سياكلهم يركبون سيارتي ويمسحون مكان الحزام  .. ذكروني إذا خلص الموضوع اصفقهم

 

*  *  *

عزيزي صاحب المركبة , في حال أردت سيارتك أن تصبح كـ سيارة الشبح كما حصل معي ( يالييل ) كل ما عليك فعله هو الإتجاه إلى مركز هشام لتلميع السيارات .. عزيزتي زوجة صاحب المركبة .. في حال أردتي أن تصبح سيارة زوجك جملية وتواجه قدام صديقاتك وتكون لمعتها مثل لمعة بلاط مطبخكم .. كل ما عليك هو إقناع زوجك بالإتجاه إلى مركز هشام لتلميع السيارات برضو

 

* * *

– مكان المركز –

هماك وأنت تمشي في شارع موسى بن نصير وجاي من طريق الملك فهد طبعاً .. صح يجيك شارع التخصصي قدامك ؟ .. حلو أجل شف الصورة عشان تعرف باقي الشرح <<– عجاز

 

 

المركز موجود في محطة بنزين .. يعني تطلع منه وتعبي بنزين وتروح لبيتكم على طول ..يمديكم على الخدمات ؟

 

للمفاهمة بإمكانك الاتصال على :

00966507585923

أو الذهاب للمركز مباشرة

علماً بأن زوار الموقع سيحصلون على خصم 10% .. فقط عند اتصالك أو ذهابك لهم اخبرهم بأنك قد أتيت من الموقع

 

– إعلان مدفوع –